ذوي الاحتياجات الخاصة ونظرة المجتمع..

بسم الله الرحمن الرحيم ..
السلام عليكم ورحمة الله وبركاته ..

حبيت اطرح الموضوع واشوف ردودكم حول هذي الفئة من المجتمع واهي فئة ذوي الاحتياجات الخاصة ..

فالاعاقه ماهي الا ابتلاء واختبار من الله عزوجل...

لحكمه يعلمها سبحانه و تعالى ..

وقد يتأقلم معها البعض وتصبح دافعا لهم للنجاح والتميز والكفاح...

وقد تاتي بنتيجة عكسية للبعض الاخر ويتفادى الاختلاط مع المجتمع والانتاج...

لاشك بان المعاق فكريا او جسديا يعتبر من ذوي الاحتياجات الخاصه...

ونظرتنا نحن كافراد مجتمع قد تختلف من شخص لآخر...

البعض ينظر له بانه انسان بدون فائده...

والبعض الاخر ينظر للمعاق نظرة شفقه ورحمة...

وهناك من ينظر له بانه عبئ ثقيل لأي منزل او اي مجتمع ينتمي اليه...
وايضا هناك قد يكون القليل من ينظر لهم بنظرة البطولة ..

يا ترى خواتي واخواني ..
انتوا شنو نظرتكم لاي ((معاق)) او بالاصح من فئة ذوي الاحتياجات الخاصة يصادفكم ..
وشنو تحبون تقولون كلمة تشجيعية لكل ام عندها طفل معاق؟؟

اما بالنسبة لي انا قبل فترة كنت اشفق عليهم واااااااايد ..
بس بعدها صرت اقدرهم حيل واحس شكثر احنا غلطانين لما ننظر لهم بنظرة الشفقة ..
وشكثر احنا اللي نملك نقص بداخلنا وبفكرنا لما نشوفهم ناقصين ..
وصرت اشوفهم فعلا اهم اشخاص اكثرهم مبدع ولكن فقط يحتاجون لاحتياجات خاصة فيهم تعينهم..
وقررت بعدها اسميهم ذوي الاحتياجات الخاصة والغي كلمة معاق من قاموسي..
واللي غيرلي قناعاتي اهو سفير المعاقين الكويتي
((عبدالكريم العنزي))..
هذا الانسان فعلا علمني انه مافي شي اسمه معاق ..
في انسان تواجهه مصاعب ويقدر يتعداها حتى لو كان في نقص ما..
واكيد ما ننسى دور المجتمع اللي يبتدي من الاسرة وينتهي باي شخص عل وجه الارض ..
واجمل دور تلعبه ام هذا الشخص برفع معنوياته وتشجيعه حتى يصل الى مراكز لم يصلها الاصحاء من اقرانه ..

عموما..
اتمنى يتخلص المجمتع بالاعاقة المتلخصة بنظرة الشفقة والحزن تجاه هذه الفئة ..

شكرا ..

اول شي حبيت اشكرج اختي على الموضوع المميز
وبالنسبه لي لي اي معاااق ...بالعكس المفرووض منا ان نحن مانحسسهم انهم غير عناا
ولازم نعاملهم احس معامله ومانفرق بينهم وبيناا لان مهما يكون هم بشر وحالهم من حالنا
ولازم نوفرلهم كل احتياجاتهم الخاصه ومانقصر معاهم ..
بس جد هم مافي احسن منهم وربي يحفظهم ..

ونترقب كل يديد من صووبج حبوووبه~ٍ
ولاهاانج الرب وربي يعطج العافيه~ٍ
وواصلي ابداعاتج الحلووه~ٍ

بسم الله الرحمن الرحيم ..

اشكرلج اختي مشاركتج بالموضوع ومرورج العطر..

شكرا..

» هيئة تنمية المجتمع
» طريقة تركيب الفرش الخاصة بالفوتوشوب